Өфөлә наркотиктар менән сауҙа итеүсе ҡулға алынды

Республика буйынса эске эштәр министрлығы хеҙмәткәрҙәре унан 3 миллион һумға биш төрлө наркотик тартып алған. Бынан бер-нисә аҙна элек полиция хеҙмәткәрҙәре Ағиҙел ҡалаһында йәшәүсе егеттең Өфөләге криминаль шөғөлө тураһында оператив мәғлүмәт ала. Тентеү барышында ул йәшәгән фатирҙа наркотиктар табыла. Белгестәр әйтеүенсә, табылған тилерткес матдәләр ике мең доза синтетика эшләргә етер ине.