Башҡортостанда хәйриә эшмәкәрлеген законһыҙ нигеҙҙә алып барыусы ойошмаларға ҡарата айырым саралар күреләсәк

Тәү осорҙа улар административ яуаплылыҡҡа тарттырылһа, һуңынан енәйәт эше лә ҡуҙғатылыуы ихтимал. Был турала бөгөн республика парламентындағы махсус комиссия ултырышында әйтелде.Республикала бөгөн бер нисә хәйриә ойошмаһы эше генә ышаныс тыуҙыра. Ә йәмәғәт урындары, сауҙа комплекстары, мәсет, сиркәүҙәрҙә аҡсалата ярҙам һорап яҙылған ҡумталар хужалары халыҡ мәрхәмәтенә өмөт итеп байырға тырышыусылар эше. Урамдарҙа төрлө ауырыуҙарҙан дауаланыу өсөн ярҙам һораусыларҙы ла мутлашыусылар, тип ҡарарға кәрәк.