3300 ирекмән Үҙәк һайлау комиссияһы менән килешеү нигеҙендә Ирекмән Ассоциацияһы үҙәге ойошторған йәмәғәт корпусына инде. Башҡортостандың йәштәр һәм ирекмән ойошмалары ла ошо хәрәкәткә ҡушылды. Республиканың төрлө ҡала-орайондарында парк, сквер, сауҙа үҙәктәрендә утыҙға яҡын мәғлүмәт үҙәге эшләй. Был майҙандарҙа ирекмәндәр республика халҡына Рәсәй Конституцияһына индереләсәк үҙгәрештәр тураһында белешмә һәм ошо өлкәгә ҡағылышлы бар ҡыҙыҡһындырған һорауҙарға яуап бирә.
