“Жилстройсбережение” программаһы оҙайтыла

Башҡортостан хөкүмәтендә “Жилстройсбережение” программаһы мөмкинлектәрен киңәйтергә һәм 3 йылға тиклем оҙайтырға уйлайҙар. Документ хөкүмәттең президиум ултырышында тикшерелде. Проект 2014 йылдан алып тормошҡа ашырыла. Ошо арауыҡта 2 меңдән ашыу кеше беренсе иғәнә туплап, хөкүмәттән өҫтәмә субсидия алып, ипотекаға торлаҡ шарттарын яҡшырта алған. Барлығы программала 10 меңдән ашыу ғаилә ҡатнаша. Яңы үҙгәрештәр бер йыл аҡса туплаған кешегә фатир алырға ярҙамды тиҙләтеүҙе күҙаллай.