Юлдарҙа хәл ҡатмарлы булып ҡала

Авариялар кәмемәй. Аяныслы хәлгә водителдәр генә түгел, йәйәүлеләр ҙә йыш сәбәпсе була.Ошондай хәл Өфө-Белорет юлының Ҡырмыҫҡалы ҡасабаһы эргәһендәге арауығында теркәлде. Ни өсөндөр ир кеше автомобилдәр хәрәкәте көслө булған юл уртаһынан барырға ҡарар итә. Еңел автомобилдәр уны урап үтә, әммә Хундай йөк машинаһы ир кешене абайламай ҡала һәм тапай. Һөҙөмтәлә ул урынында уҡ вафат була. Хундай водителе әйтеүенсә, ул тиҙлекте арттырмаған.