Республика юлдарында уҙған ял көндәрендә 27 авария теркәлде

Уларҙа 4 кешенең ғүмере өҙөлгән. 33 кеше төрлө тән йәрәхәтәре алған. Фажиғәле аварияларҙың береһе уҙған кис Салауат районында теркәлә. Кропачево – Мәсәғүт – Ачит юлында Фольксваген Поло автомобиле юлдың ҡаршы һыҙатына сығып йөк машинаһы менән бәрелешә. Һөҙөмтәлә еңел автомобилдә ултырған пассажир ауыр тән йәрәхәттәре менән ваҡиға урынында һәләк була. Водитель дауаханаға оҙатыла. Күҙаллауҙар буйынса, Поло менән идара итеүсе ир юлдың ҡаршы һыҙатына сығып киткән.