Өфөлә эскән бер водитель полиция хеҙмәткәрен тапатҡан

Үткән тәүлектә республика юлдарында 15 юл-транспорт фажиғәһендә 1 кеше һәләк булған, 19 кеше йәрәхәтләнгән. Был турала бөгөн Республиканың юл хәрәкәте именлеге дәүләт инспекцияһынан хәбәр иттеләр. Бөгөн төнөн бер ир машина аҫтында ҡалған. Уның шәхесе әлегә асыҡланмаған. Бер тәүлектә генә юл хәрәкәтен боҙоуҙың 3 мең 500 осрағы теркәлгән. Иҫерек килеш руль артына ултырыусы 80 водитель тотолған. Өфөлә эскән бер водитель хатта аҡылын юғалтып полиция хеҙмәткәрен тапатҡан.