Етәкселәр менән етди һөйләш

Хөкүмәт премьер-министры Андрей Назаров автомобиль юлдарында һәм район-ҡалаларҙа соҡорҙарҙы ремонтлау буйынса кәңәшмә үткәрҙе. Әлегә республикала 218 мең урында соҡорҙар бөтөрөлгән. 15-се ноябргә-төҙөлөш миҙгеле тамамланғанға тиклем юлдарҙа тағы ла 20 мең соҡорҙо тигеҙләргә кәрәк. Йорт ихаталарында әлегә 6 муниципалитет эштәрҙе тамамламаған. Кәңәшмәлә территориаль заказ аҡсаларын үҙләштереү мәсьәләһе лә ҡаралды. Уның сиктәрендә бюджет-ара трансферттар күләме 11 миллиард һумдан ашыу. Андрей Назаров был йәһәттән артта ҡалыусы райондарҙың етәкселәре менән һөйләште һәм аҙна аҙағына тиклем эштәрҙе тотҡарлаған подрядсылар менән етди һөйләшергә саҡырҙы.