Артабан сәләмәтлекте нисек яҡшыртырға? Ниндәй гимнастика башҡарырға? Был һорауҙарға яуапты Республика дауалау-физкультура диспансеры белгестәре бирә. Республика табип-физкультура диспансерында COVID-19 ауырыуын кисергән сирлеләр көндөҙгө стационар шарттарында реабилитация үтә. Комплекслы дауаланыуҙың төп өлөшө - гимнастика. Пациенттар һәр күнекмәне Александра Стрельникованың тын алыу гимнастикаһынан башлай.Тиҫтә йылдар элек йырсылар өсөн әҙерләнгән тын алыу күнегеүҙәре комплексы бөгөн һәр кем өсөн көнүҙәк. Комплекс 11 күнекмәнән тора һәм коронавирустан һуң тын алыуы ауырлашҡан сирлеләр өсөн иң яҡшыларҙан һанала.Көндөҙгө стационарҙа реабилитацияны бер юлы 14 пациент үтә ала. 68 йәшлек Әсхәт Таяров 6-сы көн дауалау курсын ала һәм хәленең күпкә яҡшырыуын тоя. Ул коронавирус менән октябрь башында ауырый, үпкәһенең 40 проценты зарарланған була. Зубоволағы ковид-госпиталгә эләгә.Дауаулау-физкультура диспансерының көндөҙгө стационарында реабилитация үтеүселәр өсөн күп шарттар тыуҙырылған. Психолог ярҙамы булһынмы ул, йөҙөү, массаж, ҡоро һауа ванналары, төрлө йүнәлештәге спорт залдарында күнекмәләр — бөтә терапия коронавирус кисергәндәрҙе тулыһынса һауыҡтырыуға йүнәлтелгән. Реабилитация 10 – 14 көн дауамында бара һәм ул тулыһынса бушлай. Республика дауалау-физкультура диспансеры етәкселеге яңы йылдан пациенттар ҡабул итеү ҡеүәтен арттырыу өҫтәндә эшләй.
Коронавирус менән сирләгәндән һуң ниҙәр эшләргә?
Тулыраҡ: Коронавирус менән сирләгәндән һуң ниҙәр эшләргә?
