Ҡаҙағстанда Башҡортостан вәкиллеге асыла

Был хаҡта Радий Хәбиров Ҡаҙағстандың Рәсәйҙәге вәкиле Ермек Кошербаев менән осрашыуҙа белдерҙе. Ике ил араһында сауҙа-сәнәғәт хеҙмәттәшлек күләме йылына өс йөҙҙән биш йөҙ миллион долларға етә. Быйыл үткән туғыҙ айҙа пандемияға ҡарамаҫтан, тауар әйләнеше күләме 189 миллион доллар. Дәүләттәр хеҙмәттәшлек даирәһен машиналар эшләү һәм химия сәнәғәте өлкәһендә киңәйтеү яҡлы. Ҡаҙағстан Камаз, Түбәнге Кама заводтары һәм Сантк-Петербург трактор заводтары менән хеҙмәттәшлек итә. “Еврохим” компанияһы менән инвестиция килешеүенең күләме бер миллиард долларға иҫәпләнә. Башҡортостан биләмәһендә лә ике республика өсөн әһәмиәтле проекттар көтөлә.