Миңлеғәле Шайморатов һәйкәленең проектын һайлау өсөн тауыш биреүҙең бөгөн һуңғы көнө

Проекттар менән сәғәт киске 8-гә тиклем «Торатау» конгресс-холында танышырға була. Республика етәксеһе социаль селтәрҙә үҙ сәхифәһендә һәйкәл макетын бергәләп һайларға саҡырҙы. Уның билдәләүенсә, төҙөкләндерелгәндән һуң Совет майҙаны төбәктең «Ҡыҙыл майҙан»ына әүерелергә тейеш. Рәсәй Геройының буласаҡ монументы проекттары конкурсына 19 эскиз һәм 3 үлсәүле модель ҡабул ителгән. Бөгөн улар менән танышып, оҡшаған проект өсөн тауыш бирә алаһығыҙ