Һауа торошона бәйле юлдарҙа хәл ҡатмарлы булып ҡала

Юл хәрәкәте хәүефһеҙлеге дәүләт инспекцияһы мәғлүмәттәренән күренеүенсә, федераль һәм республика трассаларында тығындар күҙәтелмәй. Әммә туҡтауһыҙ яуған епшек ҡар, юлда күреү мөмкинлеген ныҡ сикләй. Әле юл хәрәкәте именлеге батальондары ла, юл таҙартыу өсөн яуаплы хеҙмәттәр ҙә көсөргәнешле режимда эшләй. Был хеҙмәттәр юлда мөмкин тиклем ихтибарлы булырға, тиҙлекте арттырмаҫҡа, алыҫ юлға сыҡҡанда һаҡланыу сараларын да хәстәрләргә кәңәш итә.