Башҡортостанда диспансеризация нисек үтә?

Милли проектҡа ярашлы, төбәктә әүҙем ғүмер оҙонлогон 80 йәшкә еткереү, йоғошло булмаған сирҙәрҙән үлем осраҡтарын кәметеү ҡарала. Был күрһәткестәргә халыҡ менән берлектә һәм ведомство-ара килешеп эшләгәндә генә өлгәшергә мөмкин. Диспансеризация барышында 939 меңдән ашыу кешене тикшереү көтөлә. Һаулыҡ һаҡлау министрлығынан хәбәр итеүҙәренсә, ваҡытынан алда үлем осраҡтары, ғәриплеккә килтергән ауырыуҙар сәбәптәре тап диспансерлаштырыу ваҡытында асыҡлана. Һаулыҡты тикшертеү өсөн поликлиникаға мөрәжәғәт итергә, телефон, дәүләт хеҙмәттәре порталы аша табипҡа яҙылырға мөмкин. Иҫегеҙгә төшөрәбеҙ, диспансеризация үтеү өсөн хеҙмәткәргә 3 йылға бер тапҡыр 1 көнлөк ял бирелә.