Өфөлә «Интернациональ еңеү» мәҙәни-тарихи марафоны үтте

Был сара Бөйөк Ватан һуғышында Еңеүҙе күп милләтле халыҡтың ҡаҙанышы итеп күрһәтеүгә, төбәктә эшләп килгән бөтә милли йәмәғәт ойошмаларының эшен берләштереүгә йүнәлтелгән. Марафон «Мәҙәниәт-ара хеҙмәттәшлек үҙәге» ойошмаһы башланғысы менән Төбәк башлығы грантына уҙғарыла. Сара Советтар Союзы Геройҙары Александр Матросов менән Миңлеғәли Ғөбәйҙуллин һәйкәленә сәскәләр һалыуҙан башланды. Был юлы Хәрби дан музейында латыш, немец, йәһүд, грек, ҡазаҡ һәм азербайджан халыҡтарының исем туйҙары үтте. Милли-мәҙәни үҙәктәр Бөйөк Еңеүгә үҙ өлөшөн индергән милләттәштәре менән таныштырҙы. «Интернациональ еңеү» төбәк-ара мәҙәни-тарихи фестиваленең сираттағы марафоны 26 март үтәсәк һәм 14 май төбәк–ара конференция менән тамамлана.