Башҡортостанда яҙғы ташҡынға етди әҙерлек башланды

Белгестәр фаразлауынса, быйыл ул көслө булмаясаҡ. Әммә көндәр ҡапыл йылытһа, күп кенә биләмәләр һыу аҫтында ҡаласаҡ. Өфөлә, ғәҙәттә, Ленин районындағы биҫтәләрҙе һыу баҫа. Урындағы хакимиәттән хәбәр итеүҙәренсә, һыу 900 см-ҙан юғарыраҡ күтәрелгән осраҡта Затон биҫтәһендә 891, Нижегородкала 2 меңдән ашыу йортто һыу баҫыуы ихтимал. Шуға ла төп көстәр хәүеф янаған бидәмәләргә йүнәлтелгән. Район хеҙмәттәре көсәйтелгән режимда эшләй. Быйыл Ленин районы буйынса ташҡынға ҡаршы 5 штаб, ваҡытлыса йәшәү өсөн 13 урын булдырылған.