Башҡортостан Магнитогорск ҡалаһы менән хеҙмәттәшлек итәсәк

Яҡтар сауҙа-иҡтисади бәйләнештәрҙе нығытырға килеште. Магнитогорск сауҙа үҙәктәре Башҡортостанда етештерелгән ауыл хужалығы тауарҙарын һатырға теләк белдергән. Бынан тыш, ике яҡлы осрашыуҙа ҡалала башҡорт мәҙәниәтен, телен үҫтереү юлдары буйынса фекерҙәр яңғыраны. Яҡын арала Магнитогорскийҙа балалар өсөн башҡорт этнолагерҙары ойошторорға, халыҡҡа башҡорт теле курстарын асырға килешелде.