Ҡарҙа һыу запастары күп булыу сәбәпле быйыл яҙ Башҡортостанда йөҙәрләгән ихатаны һыу баҫыуы ихтимал

Ташҡын йыллыҡ күрһәткестәрҙән бер аҙ юғарыраҡ булыр тип фаразлана. Башҡортостандағы ғәҙәттән тыш хәлдәр министрлығы, тәбиғәтте файҙаланыу һәм экология, торлаҡ-коммуналь хужалығы министрлыҡтары менән берлектә ташҡын эҙемтәләрен алдан иҫкәртеп уны юғалтыуҙарһыҙ үткәреү планын әҙерләнгән. Республика гидрометеоүҙәге ташҡын көтөләсәк төбәктәрҙәге һауа торошо буйынса даими күҙәтеү алып бара.