Башҡортостанда енси хеҙмәттәр күрһәтеү тураһындағы реклама артҡан

Мәҫәлән, тикшереүселәр Нефтекамалағы кибеттәрҙең береһендә әхләҡи яҡтан түбән тип һаналған иғландар һәм белдереүҙәргә тап булған. Магазин хужалары быны бер нисек тә аңлата алмаған. Йәмәғәт транспортындағы иғландар ҙа хәҙер етди тикшереләсәк һәм улар буйынса ҡарарҙар ҡабул ителәсәк. Ғөмүмән реклама баҙары етди күҙәтеүгә алына. Был турала бөгөн монополияға ҡаршы федераль хеҙмәттең Башҡортостандағы идаралығының реклама буйынса эксперт советы ултырышында әйтелде.