Һаулыҡ-һаҡлау министрлығынан хәбәр итеүҙәренсә, май байрамдарында ла вакцина эшләтеүселәр һаны күп булған. Ял көндәрендә генә 40 меңгә яҡын кеше прививка яһатҡан.. Әлеге көнгә төбәктә ковид 19-ға ҡаршы вакцинаның беренсе компонентын 293 меңдәң ашыу кеше эшләткән. 202 меңгә яҡыны иммунизацияны тулыһынса тамамлаған. Роза Мөхәммәт ҡыҙына 66 йәш. Ул коронавирусҡа ҡаршы вакцинаның икенсе компонентын эшләтергә килгән. Беренсеһен еңел кисергән ҡатын. Хроник сирҙәре булмаһа ла. Әсәле-ҡыҙлы Екатерина менән Елена Леденевалар ҙа прививка яһатыу яҡлы. Икеләнмәй эшләттек, башҡаларға ла кәңәш итәбеҙ, ти улар. Иммунизация кампанияһы әүҙем дауам итә. Өфөнөң беренсе дауаханаһында вакцинация бүлегенән халыҡ өҙөлмәй. Көнөнә кәм тигәндә 100-120 кеше прививка эшләтергә килә, ти табиптар. Прививка эшләтеү процесы күптән яйға һалынған. Килгән кеше башта анкета тултыра, терапевт бүлмәһендә тикшереү үтә. Табип рөхсәт биргәс кенә прививка эшләнә. Иммунизацияны тулыһынса үткәндәргә сертификат бирелә. Күптән түгел сертификат менән бергә прививка эшләтеүҙе раҫлаусы махсус билдә лә тапшырыла. 18 йәше тулған һәр кеше теләгән урында прививка эшләтә ала. Сауҙа үҙәге булһынмы, медицина учреждениеһымы, алдан аҙылырға кәрәкмәй. Бер генә талап, үҙең менән өс документ – паспорт, снилс, медицина страховкаһының булыуы һорала.
Башҡортостанда коронавирусҡа ҡаршы вакцина эшләтеүселәр һаны арта
Тулыраҡ: Башҡортостанда коронавирусҡа ҡаршы вакцина эшләтеүселәр һаны арта
