Коронавирус инфекцияһы менән ауырыған кешеләр республика дауалау-физкультура диспансерына йүнәлтмә алыу мөмкинлегенә эйә. Республика дауалау-физкультура диспансерына мөрәжәғәт итеүселәрҙең күбеһе короновирустан һуң һаулығын нығытырға теләүселәр. Лилиә Прокофьева ла улар рәтендә. Бер йыл элек 80 процент үпкәһе зарарланған ҡатындың дауаланыуға ғына бер-нисә ай ваҡыты китә. Реабилитацияның беренсе курсына былтыр сентябрь айында уҡ килә. Диспансерҙа психологик ярҙам, дауалау- физкултура күнекмәләре, тын юлдары өсөн гимнастика, физиотерапия ла ҡаралған. Коронавирус инфекцияһы менән ауырыған кешеләр республика дауалау-физкультура диспансерында йүнәлтмә буйынса һаулығын нығыта ала. Бының өсөн йәшәгән урын буйынса теркәлгән медицина ойошмаһына мөрәжәғәт итергә кәрәк. Бында шулай уҡ киңәйтелгән диспансерлаштырыу үткәреп, хроник сирле һәм ковид сәләмәтлегендә өҙөклөктәргә килтергән сирҙе лә асыҡлайҙар.Һәр пациент өсөн дауалау планы һәм реабилитациялау программаһы төҙөлә. Әгәр ҙә медицина күрһәткестәре буйынса, реабилитация тейеш икән, ул бушлай буласаҡ. Ковидтан һуң булған ауырыуҙарҙы былтыр диспансер беренсе тапҡыр августа ҡабул иткәйне. Быйыл уларҙың һаны 270 еткән... Бында ауырыуҙарҙы физик яҡтан ғына түгел, ә эмоциональ яҡтан да дауалау ҡаралған.
Ковидтан һуң ҡайҙа реабилитация үтергә?
Тулыраҡ: Ковидтан һуң ҡайҙа реабилитация үтергә?
