Республика башлығының гранттары тапшырылды

Музыка, театр, бейеү, һынлы сәнғәт һәм кинематография өлкәләрендә йәмғеһе 46 проект 93 миллион 600 мең һумлыҡ ярҙам алды. Гранттың дүрттән бер өлөшө республикала кинематографияны үҫтереүгә йүнәлтелгән. Ул ҙур проекттарҙың береһе – “Көмөш Аҡбуҙат” фестивален үткәреүгә һәм ике тулы метражлы фильм төшөрөүгә йүнәлтелә. Грант алыусылар араһында беҙҙең телерадиокомпания ла бар. “Рәсәй. Мәҙәниәт-Башҡортостан” телеканалында сығасаҡ проект ярҙам алған. Ул һирәк музыкаль инструменттар тураһындағы очерктар шәлкеменән тора.