Төбәк иҡтисадын үҫтереү маҡсатында банктар тарафынан 272 миллиард һум кредит бирелгән

Хөкүмәт президиумы ултырышында шулай тип билдәләнде.Ултырышта банк секторының 2015 йылға тиклемге үҫеш стратегияһына йомғаҡ яһалды. Финанс планға ярашлы республиканың банк секторы байтаҡ күрһәткестәр буйынса ыңғай һөҙөмтәләрҙе дәлилләй. Әлеге ваҡытта хөкүмәттә 2030 йылға тиклем ошондай уҡ маҡсатлы документ әҙерләнә. Президиум ултырышында билдәләнеүенсә, банк секторы артабан да иҡтисадтың мөһим тармаҡтарын үҫтереүгә етди ярҙам күрһәтергә ниәтләй.