Башҡортостанда үткән тәүлектә коронавирустан йәнә 15 үлем осрағы теркәлгән. COVID-19 менән көрәш буйынса оператив штаб мәғлүмәттәре буйынса мәрхүмдәрҙең дөйөм иҫәбе 1264-кә етте.
10 сентябргә төбәктә лаборатория тикшереүҙәренең 60 071 осрағында коронавирус инфекцияһы раҫланған. Шуларҙың 304-е һуңғы тәүлектә.
53 344 кеше яуыз сирҙе еңеп сыҡҡан, үткән тәүлектә 211 сирле һауыҡҡан.
Республикала күмәк вакцинация бара. Бөгөнгә вакцинаның беренсе компонентын 1 207 882 кеше алған. Тәүлек эсендә 5 701 кеше прививка яһатҡан. 8 975 кеше вакцинаның икенсе компонентын ҡабул иткән. Республикала йәшәгән 1 079 586 кеше тулыһынса иммунизацияланған.
