COVID-19: яңы антирекорд

Тулыраҡ: COVID-19: яңы антирекорд

Башҡортостанда коронавирус буйынса тағы ла антирекорд теркәлде. Үткән тәүлектә 20 сирле вафат булған.

Төбәк оператив штабы мәғлүмәттәре буйынса республикала коронавирус инфекцияһын йоҡторған кешеләр һаны 64 меңдән артты. Үткән тәүлектә сир 344 кешелә табылған. Пандемия башынын иҫәпләгәндә инфекция эләктергәндәр һаны 64 196.

COVID-19-ҙан 55 890 кеше һауыҡҡан, шул иҫәптән 184 сирле үткән тәүлектә. Коронавирустан 1 477 кеше һәләк булған.

Күмәк вакцинация дауам итә. Коронавирусҡа ҡаршы прививканың беренсе компонентын бөгөнгә 1 259 935, икенсе компонентын 1 152 704 кеше яһатҡан.