Башҡортостанда коронавирустан прививка яһатырға мөмкин күсмә вакцинация пункттары һаны кәметелә. Был ҡарар төбәктә эпидемиологик хәлдең киҫкенләшеүенә бәйле. Медицина персоналы яңынан амбулаторияға күсерелә, бында хеҙмәткәрҙәргә көсөргәнеш артты.
Башҡортостанда асылған 11 күсмә вакцинация пунктының хәҙер бары өсөһө — «Торатау» Конгресс-холындағы (сәғәт иртәнге туғыҙҙан киске етегә тиклем эшләй), «Башкирия» Лайфстайл үҙәгендәге (сәғәт көндөҙгө берҙән киске етегә тиклем эшләй) һәм «Мир» сауҙа үҙәгендәгеләре (сәғәт көндөҙгө берҙән киске етегә тиклем эшләй) ҡабул итә.
11 күсмә вакцинация пункты асылғандан алып уларҙа 61 530 кеше вакцинаның беренсе, 52 109 кеше — икенсе компонентын яһатҡан.
Хәтерегеҙгә төшөрәбеҙ, күсмә вакцинация пункттарында прививка ғәмәлдәге сират буйынса эшләнә.
COVID-19-ҙан вакцина яһатырға теләгәндәр Госуслуги порталы, Колл-үҙәктең, 122 һандарын йыйып, берҙәм телефоны һәм поликлиниканың теркәү бүлеге аша яҙыла ала.
