Ковид 27 кешенең ғүмерен ҡыйҙы

Башҡортостанда үткән тәүлектә генә коронавирус менән ауырыуҙың 497 осрағы теркәлгән. 27 кеше һәләк булған. Пандемия башланғандан алып 1 мең 732 кешенең ғүмере өҙөлгән. Стационарҙа әле 800 кеше дауалана. Уларҙың күбеһе оло йәштәгеләр. Республика һаулыҡ һаҡлау министрлығы вакцинация үтергә саҡыра. Мәкерле сиргә ҡаршы көрәштә еңергә тик прививҡа ғына ярҙам итә ала. Әле 1 миллион 300 мең самаһы кеше иммунизация үткән.