Башҡортостанда Республика көнө киң билдәләнде

Һәр ҡала һәм районда халыҡ байрамдары үтте. Республика буйынса тарихи датаға арналған төрлө саралар ойошторолдо. Төп байрамын Башҡортостан ҙур уңыштар менән ҡаршылай. Республика әле лә Рәсәйҙең терәк төбәктәренең береһе тигән статусын юғалтмай. Башҡортостанда йөҙҙән ашыу милләт халҡы татыу тормош көтә. Республика көнө уларҙың барыһы өсөн дә берҙәмлек, дуҫлыҡ байрамына әйләнгән.