Өфөлә III Бөтә Рәсәй музыка конкурсы старт башланды

Уның төп маҡсаты - рус халыҡ уйын ҡоралдарында уйнаусы йәш таланттарҙы асыҡлау һәм уларға үҫергә ярҙам итеү. Өфө бер аҙнаға Рәсәй музыка сәнғәтенең үҫеш үҙәгенә әйләнде. Илдең иң талантлы һәм виртуоз музыканттары бер урында йыйылды. Бөтә Рәсәй музыка конкурсы-илдең иң сағыу музыкаль ваҡиғаларының береһе. Өфөлә ул беренсегә уҙа. Иң оҫта музыканттарҙы баһалау өсөн сараға донъя кимәлендәге йондоҙҙар, билдәле музыканттар, профессорҙар саҡырылды. Музыка аҙналығы Мәскәүҙең абруйлы коллективы–Людмила Зыкина исемендәге Рәсәй дәүләт академия рус халыҡ ансамбле концерты менән башланып китте. Конкурста ҡатнашыусылар балалайка, думбыра һәм гитара номинацияларында баһаланасаҡ. Һәр номинацияла 24 конкурсант. Иң иңдәр араһында Милли уйын ҡоралдары оркестрының художество етәксеһе һәм баш дирижеры Линар Давлетбаев та бар. Бөтә Рәсәй конкурсы лауреаты дәрәжәһен алған йәш музыкант етәкселегендә оркестр ҡунаҡтарға Башҡорт ҡымыҙы йырын башҡарҙы. Концертта академик музыка донъяһының метрҙары, бәйгенең жюри ағзалары ла сығыш яһаны. Сара лауреаттар сығыштары менән генә сикләнмәйәсәк. Аҙна дауамында жюри ағзалары, билдәле профессорҙар йәш, өмөтлө музыканттар һәм Өфөнөң музыка уҡыу йорттары уҡыусылары өсөн уйын ҡоралдарында уйнау буйынса оҫталыҡ дәрестәре үткәрәсәк, ижади осрашыуҙар, түңәрәк өҫтәлдәр, лекциялар ойоштороласаҡ. Бөтә Рәсәй музыкаль конкурсы 23 октябрь барлыҡ лауреаттар һәм жюри ағзалары ҡатнашлығындағы ҙур гала-концерт менән тамамланасаҡ.