Синоптиктар Башҡортостанда шәмбе-йәкшәмбе көндәр аяҙлы-болотло әммә йылы була, тип хәбәр итә.
Башгидромет мәғлүмәттәре буйынса, шәмбе, 23 октябрҙә урыны менән ҡыҫҡа ваҡытлы ямғыр яуасаҡ. Ел көньяҡ-көнбайыштан талғын иҫә, урыны менән киҫкен.
Һауа температураһы төндә 3-8 градус йылы, көндөҙ — плюс 9-14 градус тора.
24 октябрҙә төндә урыны менән ҡыҫҡа ваҡытлы ямғыр көтөлә, көндөҙ ҙә яуым-төшөм була. Ел көньяҡ-көнбайыштан талғын.
Һауа температураһы төндә 2-7 градус йылы, көндөҙ— плюс 5-10 градус.
Бөгөн республикала көндөҙ бер аҙ ямғыр яуа. Ел көньяҡ-көнбайыштан талғын, урыны менән көсәйеүсән.
Һауа температураһының 6-11 градус йылы булыуы көтөлә.
