ПЦР-тест ғәмәлдән сыға

Башҡортостанда ПЦР-тестар менән күмәк халыҡ йыйылған урындарға үтеп булмай. Был коронавирусҡа бәйле сираттағы сикләү. Республикала мәкерле сир таралыуын туҡтатыу йәһәтенән вакцинация дауам итә. 19 йәшлек егеттәр тулы вакциянация үткән. Студенттар мәжбүри вакцинация талап ителгән ҡатламға инмәһәләр ҙә прививка кәрәк, сөнки улар студент ҡына түгел, ә хеҙмәткәр ҙә. Хәҙер һатыу, фитнес үҙәктәренә, бассейн, музей, киноға, дөйөм туҡланыу урындарына сертификат һәм куар код булғанда ишектәр асыҡ. Өлкән йәштәгеләр ҙә мөмкинлеген сикләргә теләмәйҙәр. 83 йәшлек Хәмбәр олатай вакцинаның беренсе компонентын яһатырға килгән. Вакцинациялауға кеше күп килһә лә, сират оҙаҡ тормай. Паспорт һәм СНИЛС менән анкета тултырылғас, ирекмәндәр сират буйынса табипҡа оҙата. Пациенттың ҡан баҫымы, сатурацияһын, дөйөм хәлен билдәләгәндән һуң ғына прививка яһатырға рөхсәт ителә. “Торатау” конгресс-холында урынлашҡан иң ҙур вакцинациялау пункты көн һайын 300-ҙән ашыу кешене ҡабул итә. Берәүҙәр вакцинацияны беренсе тапҡыр үтһә, бәғзеләр ревакцинация яһата. 25 октябрҙән Рәсәй һаулыҡ һаҡлау министрлығы буласаҡ әсәләргә һәм бала имеҙгән ҡатын-ҡыҙҙарға прививка яһатырға рөхсәт итте. Спутник V ике компонентлы вакцина. 21 көндән һуң икенсе компоненты ҡаҙатыла һәм пациентҡа QR-код йәғни вакцинация хаҡында ҡағыҙ документ тапшырыла.