Социаль хеҙмәткәр булып эшләүсе Ирина Дегтярева аҙнаһына ике тапҡыр өлкән йәштәге граждандарға ярҙам итә. Ололар изоляцияла булыу сәбәпле урам буйынса сығып, кәрәкле әйберҙәрен ала алмай. Шуға ла Ирина исемлек буйынса аҙыҡ-түлек йә иһә дарыуҙар һатып алып килтерә. Социаль хеҙмәткәр хәүефһеҙлек ҡағиҙәләрен үтәй: ҡулдар антисептик менән эшкәртелә, мотлаҡ битлек кейелә. Өҫтәүенә, уның прививка эшләтелгәнен белдергән ҡағыҙы булырға тейеш. Шулай уҡ хеҙмәткәр 60 йәштән өлкәндәр өсөн ҡаралған үҙизоляция режимында булыусыларға коронавирустан вакцина яһатыу тураһында тулы мәғлүмәт еткереп, иҫкәрмә ҡағыҙын тапшыра. Бигерәк тә яңғыҙ ҡалған пенсионерҙар тирә-яҡтағылар иғтибарына мохтаж. Социаль хеҙмәткәрҙең ярҙамын улар ҡыуанып ҡабул итә. Ғөмүмән, социаль хеҙмәткәрҙәрҙең һәр береһенә участка бүленә. Ирина Григорьевна, мәҫәлән, бөтәһе 20 пенсионерға ярҙам итә. Бер көн эсендә 8-9 фатирға барам, ти ул. Кәрәкле әйберҙәр һатып алыуҙан тыш, ул шулай уҡ квитанцияларҙы түләй, өй йыйыштырыу менән булыша. Коронавирустан вакцинаға һәр пенисонерҙың ҡарашы төрлөсә, ти Ирина Дегтярова. Шулай ҙа үҙизоляцияны боҙмау һәм прививка яһатыуҙың әһәмиәте тураһында иҫкәртеү-төп бурыстарҙың береһе. Прививка яһатҡан осраҡта ла коронавирус менән ауырырға мөмкин, әммә тәжрибәгә ярашлы вакцина яһатҡан кешеләр сирҙе еңел генә еңеп сығып ҡәҙимге тормошон дауам итә, ти белгестәр.
Үҙизоляцияла булған өлкәндәргә ярҙам
Республика социаль үҙәктәре пенсионерҙарға аҙыҡ-түлек, дарыуҙар килтерә, өй эштәрендә ярҙам итә, коронавирустан вакцина яһатыу буйынса тулы мәғлүмәт еткерә.
