Эске эштәр министрлығы органдары хеҙмәткәре көнө киң билдәләнде

Башҡортостан Башлығы Радий Хәбиров ведомство вәкилдәрен һәм ветерандарын һөнәри байрамдары менән тәбрикләне, 2018-се йылда баш ҡаланың беренсе городовойына ҡуйылған һәйкәлгә сәскәләр һалды. Бурысын үтәгән ваҡытта Башҡортостан Эске эштәр министрлығының 177 хеҙмәткәренең ғүмере өҙөлгән. Һуңғы йылдарҙа ғына Кавказда террорға ҡаршы операция барышында 20 полиция вәкиле һәләк булған. Утыҙы үлгәндән һуң “Ҡаһарманлыҡ ордены”, алтауһы “Ҡыҙыл йондоҙ” ордены менән бүләкләнгән.