Коронавирус менән ауырыуҙың 624 осрағы теркәлгән

Донъяла коронавирустың яңы төрө — омикрон таралыу сәбәпле барлыҡ илдәрҙә тиерлек именлек саралары көсәйтелә. Әлегә ул Башҡортостанда асыҡланмаған. Ә бына уҙған тәүлектә төбәктә коронавирус менән ауырыуҙың 624 осрағы теркәлгән. 26 кешенең ғүмере өҙөлгән. Пандемия башланғандан алып республикала 111 меңгә яҡын кеше ковид-19 менән ауырыған. Һәләк булыусылар 3 мең 800 тирәһе. Вакцинаның беренсе компонентын алыусылар 2 миллиондан ашты. Тулыһынса вакцинация үтеүселәр 1 миллион 810 мең самаһы.