Өфөлә Республика ата-әсә советының беренсе ултырышы үтте. Уның рәйесе итеп Александр Мартынов һайланды. Совет составына муниципалитет һәм Башҡортостан Республикаһы Йәмәғәт палатаһы, Республика уҡыусылар хәрәкәте, «Әүҙем ата-әсә» һәм «Яңы мәктәп» федераль партия проектының йәмәғәт советы вәкилдәре инде.
Ултырышта шулай уҡ ата-әсә контроле штабы составы һайланды, уның эш планы раҫланды.
Республика ата-әсә советы үҙ эшмәкәрлеген Башҡортостан Мәғариф һәм фән министрлығының 2021 йылдың 6 декабрендәге бойороғо менән раҫланған Башҡортостан Республикаһы Мәғариф һәм фән министрлығы ҡарамағындағы Республика ата-әсә советы тураһындағы положениеға ярашлы алып бара.
