Башҡортостанда быйыл Дүртөйлө-Нефтекама юлы төҙөкләндереләсәк

Республиканың Транспорт һәм юл хужалығы буйынса дәүләт комитетынан хәбәр итеүҙәренсә, юлдың дөйөм оҙонлоғо 91 километр. Уның 84 километры юл хужалығы идаралығы ҡарамағында. Йәнә 4 саҡрымы өсөн „Башнефть„ компанияһы яуаплы, ул өлөшө республика ҡарамағына тапшырылырға тейеш. Тағы ла өс километры Нефтекама ҡалаһы ҡарамағында. Быйыл Дүртөйлө-Нефтекама юлының 58 километры ремонтлана. Башҡортостанда бөтәһе 600 саҡрым юлды төҙөкләндереү планлаштырыла.