Был йыйылыш, ғәҙәттә, сираттағы сессияға башланғыс бирә. Парламент спикеры депутаттарҙың көҙгө сессия барышындағы эшмәкәрлегенә йомғаҡ яһаны һәм киләһе яртыйыллыҡҡа бурыстарҙы билдәләне.
“Дәүләт Йыйылышы – Ҡоролтайҙың яҙғы сессияла закондар сығарыу эше программаһы билдәләнгән. Депутаттар республика закондарының 50-гә яҡын проектын тикшерергә ниәтләй”, – тине Константин Толкачев.
– Эш барышында уларҙың ғәмәлдәге иҫәбе артыуы мөмкин. Яҙғы сессияға билдәләнгән программаға шулай уҡ “Рәсәй Федерацияһының йәштәр сәйәсәте тураһында”ғы федераль законына үҙгәрештәр индереү тураһында закон проекты индерелгән.
