«CGTN Русский» телеканалы хеҙмәткәрҙәре Пекин менән Чжанцзякоу ҡалаларын тоташтырған олимпия поезынан тура бәйләнеш ойоштороу тәҡдимен кинәнес менән ҡабул итте. Интервью теремек һәм ҡыҙыҡлы килеп сыҡты. Хеҙмәттәшебеҙ Вань Юэ вагон-поезд менән яҡындан таныштырҙы, бында урынлаштырылған функциональ телестудияны күрһәтте, уның үҙенсәлектәре тураһында һөйләне.
“Бынан тыш “Олимпиада 2022” барышында коронавируслы инфекция таралыуын иҫкәртеү һәм хәүефһеҙлек саралары тураһында ла әңгәмә ҡорҙоҡ”, — тине “Башҡортостан” ДТРК тапшырыуҙарын алып барыусы Ғәлимйән Ибәтуллин.
«Интервью» программаһы «Башкортостан 24» каналы эфирында 2 февралдә 14 сәғәт 45 минутта сыға. Ҡабатлау 18 сәғәт 15 минутта.
Белешмә.
«CGTN Русский» “Ҡытай үҙәк телевидениеһының” рус телендә тапшырыусы халыҡ-ара телеканалы. Уның төп аудиторияһы — туған теле булараҡ рус телендә һөйләшкән йәиһә рус телен өйрәнгән телевизор ҡараусылар.
«CGTN-Русский» телеканалында тапшырыуҙар башланыу менән Ҡытай телерадиоһы сит илдәргә сит телдәрҙә тапшырыу ойоштороусылар араһында һәм сит телдәге айырым телеканалдар һаны буйынса абсолют лидер дәрәжәһенә өлгәште.
