Мәғлүм булыуынса, кисә республикала 982 кешелә ошо мәкерле сир асыҡланғайны.
Пандемия башынан Башҡортостанда бөтәһе 134,3 меңгә яҡын сирле теркәлгән.
«Әле 233 кеше стационарҙа дауалана, уларҙың яртыһынан күбе — өлкән йәштәгеләр, 42-һе ауыр хәлдә. Ете меңдән ашыу кеше өйөндә табип күҙәтеүе менән дауалана, уларҙың 4 мең 900-гә яҡыны — 60 йәштән өлкәндәр», — тип белдерҙеләр Башҡортостан Һаулыҡ һаҡлау министрлығының матбуғат хеҙмәтендә.
Уҙған тәүлектә республикала коронавирус инфекцияһынан 18 кеше үлгән. Пандемия башланғандан алып бөтәһе 4 мең 800-гә яҡын кеше COVID-19 ҡорбаны булған. Уларҙың 4 мең 100-ҙән ашыуы өлкәндәр.
