Һаулыҡ һаҡлау министрлығының оператив мәғлүмәттәренә ярашлы коронавируслы инфекцияға ҡаршы вакцинаның ике компонентын да 2 миллион 211 мең кеше ҡабул иткән. Был вакциналарға тейеш халыҡтың 88,9 проценты. 2 миллион 372 мең кеше, йәғни халыҡтың 95,5 проценты, вакцинаның беренсе компонентын ҡаҙатҡан.
«Үткән тәүлек эсендә республикала 1 мең 700-гә яҡын кеше вакцина яһатҡан, — тип белдерҙеләр Башҡортостандың Һаулыҡ һаҡлау министрлығында. — Ревакцинация үткәндәр һаны әлеге ваҡытҡа 311 мең кешегә тиң, 3 мең 700 кеше ревакцинацияны һуңғы тәүлектә үткән».
Башҡортостанда барыһы 2 миллион 485 мең кешене вакциналау планлаштырыла.
Бөгөн хәбәр ителеүенсә, Башҡортостанда коронавирус сирен йоҡторғандар һаны буйынса абсолют антирекорд теркәлде. Бер тәүлектә мәкерле сир 1205 кешелә табылған.
