«Был бик ҡыҙғаныс күренеш – ғаиләң менән йыйынып, бәләкәй балаларыңды алып, йылы усағыңды ташлап, көсөң еткәнсә ниндәйҙер әйберҙәреңде төйнәп, белмәгән-күрмәгән ергә сығып китеү. Кешеләр өсөн был бик ҙур ҡайғы. Шуға ла беҙ ҡарар ҡабул иттек – Башҡортостан мохтаждарҙың барыһына ҡыйыҡ тәҡдим итергә әҙер. Был ярҙамды беҙ генә түгел, тотош ил хәстәрләй», — тине Радий Хәбиров.
Төбәк башлығы билдәләүенсә, 19 һәм 20 февралдә ситуацион үҙәктә ДХР һәм ЛХР эвакуацияланған кешеләргә ярҙам һәм торлаҡ тәҡдимен белдергән 50 шылтыратыу теркәлгән. Ҡасаҡтар һәм уларҙың туғандарынан 7 мөрәжәғәт ҡабул ителгән.
«Беҙ ваҡытлыса туҡталыу урындарын ойошторҙоҡ. Уларға ике мең тирәһе кешенең килеүе көтөлә. Был бөгөн-иртәгә булыр», — тине Радий Хәбиров.
Башҡортостан башлығы мәсьәлә менән етди шөғөлләнергә ҡушты. Ҡасаҡтар өсөн әҙерләнгән пункттар урынлашҡан төбәктәрҙә муниципалитет етәксеһе уларҙағы шарттарҙы шәхсән тикшереп, кешеләр өсөн мөһим бар кәрәк-яраҡтың булыуын тәьмин итергә тейеш.
ДХР һәм ЛХР-нан башлыса ҡатын-ҡыҙ, өлкән йәштәгеләр һәм балалар күсенеп килә, ошо уңайҙан Радий Хәбиров район хакимиәте башлыҡтарына уҡыусылар өсөн мәктәптәрҙә уҡыу урындарын хәстәрләргә, уларҙы уҡыу кәрәк-яраҡтары, дәреслектәр менән тәьмин итергә ҡушты.
