7 марттағы эш көнө шәмбе, 5 мартҡа күсерелгәс, Рәсәйҙең Хеҙмәт кодексына ярашлы был көн байрам алды көнө тип иҫәпләнә. Тимәк, эш көнө бер сәғәткә ҡыҫҡара. Шул уҡ ваҡытта 5 марттағы эш көнөн бер сәғәткә ҡыҫҡартыу эш хаҡына бер нисек тә йоғонто яһамай.
2022 йылдың тәүге яҙ айына туғыҙ байрам һәм ял көнө, шул иҫәптән бер дәүләт байрамы — Халыҡ-ара ҡатын-ҡыҙҙар көнө тура килә.
Рәсәйҙә Халыҡ-ара ҡатын-ҡыҙҙар көнө тәүге тапҡыр 1913 йылда билдәләнә һәм тиң хоҡуҡтар өсөн көрәштә ҡатын-ҡыҙҙарҙың теләктәшлегенә арнала. СССР-ҙа 8 март — Халыҡ-ара ҡатын-ҡыҙҙар көнө һәр ваҡыт билдәләнһә лә, 1966 йылдан ғына ул рәсми байрам булып иҫәпләнә.
