Премьер-министр: «2014 йылдан беренсе тапҡыр миграция үҫеше 14 879 кеше тәшкил итте, һуңғы 20 йылда тәүгә төбәк-ара миграцияның ыңғай сальдоһы 5 855 кешегә етте. Был республикабыҙҙың йәшәү өсөн уңайлы төбәк булараҡ йәлеп итеүсәнлеге артыуы тураһында һөйләй», — тип билдәләне.
Бынан тыш, Башҡортостанда ил буйынса уртаса күрһәткес менән сағыштырғанда тыуымдың юғарыраҡ кимәле һаҡлана. Әгәр республикала күрһәткес 1000 кешегә 9.8 булһа, Волга буйы федераль округында — 9.1, ә тотош Рәсәйҙә — 9.6.
