Башҡортостанда иң яҡшы табип конкурсына йомғаҡ яһалды

Һаулыҡ һаҡлау министрлығында республика дауаханаларында эшләгән 50 белгескә еңеүсе грамоталары тапшырылды. Дауалау йүнәлештәренең һәр ҡайһыһы үҙ өлкәһендә танылған еңеүсенән тыш, иң яҡшы тигән исемде кеше ғүмерен һаҡлап ҡалған ҡатмарлы операция яһаған, медицинала өр-яңы алымдар уйлап сығарған табип төркөмдәре лайыҡлы бүләктәрен алды. Иң яҡшы табип исеменә республика конкурсы быйыл ун алтынсы тапҡыр ойошторолдо. Белгестәр өсөн был сара һайлаған һөнәренә тоғролоғон күрһәтеү мөмкинлеге һәм башҡарған бурысының баһаһын таныу һөҙөмтәһе.