Башҡортостанда спиртлы эсемлектәр һатыу сикләнә

Башҡортостанда бөгөн мәктәптәрҙә Һуңғы ҡыңғырау уҙғарыуға бәйле спиртлы эсемлектәр һатыу сикләнә. Был алкоголь продукцияһын ваҡлап һатыу менән шөғөлләнгән эшҡыуарлыҡ субъекты предприятиеларына ҡағыла. Ә дөйөм туҡланыу предприятиеларында был тыйылмай. Талапты боҙған өсөн штраф ҡаралған. Вазифалы кешеләргә – 20-40 мең һум, юридик берәмектәргә – продукцияны конфискациялау менән бергә йәки унһыҙ 100-300 мең һум. Хәтерегеҙгә төшөрәбеҙ, яңы йыл каникулдарында, Йәштәр көнөндә, Белем байрамында һәм һабантуйҙар уҙғарылған көндәрҙә лә республикала спиртлы эсемлектәр һатыу сикләнә.