Республика башлығы Рәсәй фәндәр академияһы академигы Вячеслав Панченко менән эшлекле осрашыу үткәрҙе

Яҡтар төбәктә инновация проекттары һәм эшләнмәләре үҫешен тикшерҙе. Осрашыуҙа шулай уҡ Башҡортостандың импортты алмаштырыу технологиялары өлкәһендә уңыштары билдәләнде. Республика башлығы Рөстәм Хәмитов әйтеүенсә, әле Рәсәй фәндәр академияһы Өфө ғилми үҙәге үҙгәртеп ҡорола. Беҙҙең институттар нигеҙендә федераль тикшеренеү үҙәге ойоштороу ҡарала. Ул Рәсәй иҡтисады мәсьәләләрен хәл итеүгә үҙ өлөшөн индерәсәк.