Башҡортостанда тағы ла бер аҙна тирәһе эҫе көндәр һаҡлана

Башгидроометүҙәк мәғлүмәттәренән күренеүенсә, көндөҙ температура 30 градусҡа тиклем күтәрелә. Август аҙағы өсөн бындай сыуаҡ көндәр ғәҙәти түгел тип билдәләй синоптиктар. Шуға ла янғын хәүефе юғары. Хәтерегеҙгә төшөрәбеҙ, 5 сентябргә тиклем Башҡортостан урмандарына транспортта инеү сикләнде. Ғәҙәттән тыш хәлдәр министрлығы мәғлүмәттәренән күренеүенсә, 13 муниципалитетта 4 класс урман янғындары хәүефе һаҡлана, 18 муниципалитетта янғын сығыуҙың иң юғары – 5 классы теркәлгән. Унда көнъяҡ, төнъяҡ-көнбайыш, үҙәк райондар инә