Республикала 2025 йылға тиклем 18 йәштән өлкән етем-балаларҙы торлаҡ менән тәьмин итеүҙә барлыҡҡа килгән бурысты бөтөрөү программаһы ҡабул ителгән.
Уның сиктәрендә быйыл финанслау күләме 61 процентҡа артып, 1 миллиард ярым һумдан ашҡан. Сумманың 269 миллионы һумы – федераль аҡса.
Етем балаларға бүленгән финанс сығанаҡтар буйынса, Башҡортостан — Волга буйы федераль округында икенсе урында. Йыл башынан ғына 425 кеше фатирлы булған.
