ЮХХДИ юлдарҙа авариялар артыуға борсолоу белдерә

Үткән ял көндәрендә генә 153 юл-транспорт фажиғәһе теркәлгән. Каникул мәлендә балалар уяулыҡты юғалта. Күп осраҡта улар юлды билдәләнгән урындан сыҡмай. Ошо сәбәпле Өфөлә 11-се класс уҡыусыһы бәләгә тарыны. Инспекторҙар водителдәрҙе лә иғтибарлыраҡ булырға саҡыра. Калинин районында 26 йәшлек егет машинаһында артҡа биргәндә ике баланы имгәтә. Ҡанундар ҡәтғиләшһә лә, эскән килеш руль артына ултырыусылар ҙа бихисап.