Ил президенты мобилизацияға эләгеүселәр менән осрашырға ниәтләй

Рәсәй Президенты Владимир Путин яҡын арала мобилизацияға эләгеүселәр менән осрашып уларҙы һәм уларҙың ғаиләләрен борсоған мәсьәләләр тураһында һөйләшергә нитләй. Был турала президенттың матбуғат секретары Дмитрий Песков хәбәр итте. Быға тиклем Владимир Путин мобилизацияланғандарға 195 мең һум күләмендә бер тапҡыр бирелә торған түләү тураһындағы указға ҡул ҡуйғайны. Бынан тыш, саҡырыу буйынса хеҙмәт һәм махсус хәрби операцияла ҡатнашыу хәҙер хеҙмәт стажына индереләсәк.