Өфөлә ҙур транспорт төйөнөн һүтеү мәсьәләһе хәл ителәсәк

Республика Хөкүмәте рәйесе Андрей Назаров Башҡортостан башҡалаһының төнъяҡ өлөшөн үҙәк менән тоташтырыуҙы ҡыҫҡа юл — М-7 «Волга» һәм М-5 «Урал» автотрассалары аша тәьмин итеү мөмкинлеге ҡарала тип белдерҙе. Мәскәүҙә барған ун алтынсы Халыҡ-ара транспорт форумында күләмле юл проекты буйынса фекер алышыуҙар үтә. Башҡортостан илдә юл селтәрҙәре иҫәбе буйынса иң үҫешкән төбәктәр исемлегендә, ә юлдар оҙонлоғо буйынса икенсе урында. Республикала юлдарҙы тәртиптә тотоу һәм яңыларын төҙөүгә ҙур иғтибар бирелә. Юл фондына бүленгән аҡса рекорд күрһәткестәренә етә, быйыл был маҡсатҡа 35 миллиардтан ашыу һум йүнәлтелә, ул былтырғы менән сағыштырғанда 20 процентҡа күберәк. Бер мең километрға тиклем юлды ремонтлағандан һуң, 60 километр тирәһен яңыртып ҡороуҙан һуң файҙаланыуға тапшырыу көтөлә. Транспорт реформаһын бойомға ашырыу дауам итә. Транспорт форумында Башҡортостан Республикаһы стенды 100 квадрат метр майҙанды биләй. Стендта Өфөлә “Көньяҡ ҡапҡа” проекты сиктәрендә Пугачев урамын яңыртып ҡороу, Генерал Рыленко урамын һәм ошо ике урам киҫелешендәге транспорт бәйләнешен төҙөү менән концессия килешеүе буйынса Интернациональ урамға сыҡҡан ерҙә Ағиҙел йылғаһы аша күпер төҙөлөшө пландары бар